楊埕選國際小姐一腳踢

有「清純栢芝」之稱的退選港姐楊埕，因今年無綫放棄派出港姐代表香港出戰2015年國際小姐比賽，楊埕贏了大會的香港區選拔賽後，就成為了今屆香港代表，她於本月便會飛到日本比賽，現正積極備戰。
楊埕直言對拍戲及唱歌有興趣。
楊埕直言對拍戲及唱歌有興趣。

她說：「有幾多嘢要學，例如化妝set頭，就連服裝設計都要自己跟，去到嗰度冇人幫，要自己搞掂，70個地方嘅女仔個個都要靠自己，好彩有好多朋友幫我。之前都會好緊張，依家反而睇淡咗，覺得做好自己就得，都有信心嘅。今次除咗去比賽，仲會拍一個廣告，我哋有7個女仔被選中拍一個日本電器廣告，會留多幾日。（想唔想喺日本發展？）如果有機會我喺邊度發展都OK，最有興趣係拍戲，唱歌都可以。」

楊埕因酷似張栢芝而受注目。
  • 楊埕因酷似張栢芝而受注目。