徐濠縈跑步緊要犧牲陪女慶生

徐濠縈一身型格打扮撐品牌好友的時裝騷。

身在巴黎的徐濠縈，此行主要為時裝店買衫，巴黎時間2日她以一身型格打扮捧友好品牌的時裝騷，預計逗留8天，同場有著名形象指導Tina Leung。熱愛跑馬拉松的她，今次將首度在巴黎參加賽跑：「之前朋友同我講3月喺巴黎有馬拉松，但一直夾唔啱時間冇跑過，今次咁啱有個10公里嘅女子賽，所以參加咗。（有冇練跑？）以前每次嚟到巴黎我朝朝都跑，因為有時差，好似阿婆咁朝早五點就起身。（巴黎天氣凍有冇影響？）我都覺得自己唔夠衫，可能要買啲補給，但我寧願凍，香港天氣太熱。」

買禮物氹番包包

不過阿徐表示比賽在10月4日舉行，撞正女兒包包的11歲生日，故未能跟女兒慶祝，她一面無奈地說：「會喺巴黎買禮物畀佢，買佢鍾意食嘅朱古力同芝士。（佢有冇唔開心？）有少少，但佢大個女都明事理，而且有老公Eason（陳奕迅）同我嘅朋友陪佢，有朋友幫我湊女。」至於何時會叫Eason陪她參加比賽？她笑言：「我都想知佢會唔會報名，佢好鍾意運動，亦有做運動，但啲人以為佢冇。（佢首要係戒煙？）我都唔知佢，佢做騷又唱又跳幾個鐘都冇問題，所以佢唔覺係一個問題，我哋跑開步嘅人食煙係跑唔到，不過佢肯踏出第一步報名已經係好事。（你幫佢報？）呢啲冇得幫。」

陳康堤	蕭亞軒（右）與張慧雯時裝周碰頭。	徐濠縈（右）與Tina一齊欣賞最新系列時裝。

蕭亞軒戀情正常

另外，台灣天后蕭亞軒於巴黎時間1日晚上出席欣賞另一場時裝騷，她以一身低V裙亮相，現場不少嘉賓邀合照，她亦來者不拒，表現親民，同場亦有與內地女星張慧雯合照。早前傳她與有米男友兼吳建豪舅仔Elroy情海翻波，問到感情狀況時，她表現輕鬆說：「很好，正常。（有否與男友齊來巴黎？）沒有，我來都是為工作，而且他很忙。（將來會否想在巴黎結婚？）這個問題太遠了。」她會逗留巴黎約一星期，除欣賞四場時裝騷外，還會為內地雜誌拍攝，更表示想去看古董傢俬，並已約好吳建豪太太石貞善在當地吃飯，問到這對夫妻現時關係如何？她則不允回答。