周永恒險死求回頭 Yu：嘩！又嚟？
曾自稱「人渣」的周永恒於今年初因普通襲擊罪成而被判入獄兩個月，緩刑18個月。事隔大半年，近日有傳周永恒因在港走投無路而轉戰內地，更在深圳有富婆關照住豪宅，又跟小三Ruby疑似未斬纜。傳言滿天飛之際，周永恒昨日於Facebook上載一篇「悔過書」，求已分居的太太趙頌茹（阿Yu）原諒，寫道：「老婆，我知錯了，昨天我險死……比（畀）條路我回頭好嗎？喺得呢度講都係想比（畀）大家X，我係超錯，歡迎大家一齊來XX我呢個PK，用了一年，我到今日先面對現實，一啲都唔抵幫……如今只想挽回個家……」但過了幾小時，他自行刪掉留言。
晾衫險跌落街
面對突如其來的「悔過」，阿Yu看似嚇怕謂：「嘩！又嚟？佢嘅嘢我冇回應。」記者昨晚致電周永恒查詢，曾透露有腦瘤的他稱因身體不適身處醫院，但不肯透露地點：「呢幾日瞓唔到，個心乸住乸住。」當問到為何將留言刪掉？他虛弱說：「睇到嘅咪睇，睇唔到就睇唔到。（點解險死？）晾衫伸咗出去，幾乎跌落街，驚死嗰吓就諗到太太同兩個女。」
周永恒指除想阿Yu原諒，又自爆有傳過短訊給對方，但可惜對方回覆「不會」，堅拒復合。問到可會再挽留對方？他坦言：「做好啲自己，我都要養女。」此外，昨晚周永恒在友人陪同下，現身伊利沙伯醫院。
文：音樂組