楊紫瓊聽話錫身承諾減產

國際影星楊紫瓊（Michelle）昨日現身鐘錶展，穿上迷你短裙大騷長腿，戴上價值近四百萬的腕錶成全場焦點。Michelle表示近日在家鄉馬來西亞拍美劇《絕地反擊》（Strike Back），但卻未能為劇組一盡地主之誼，皆因早前印尼山火影響馬來西亞空氣：「本身想帶團隊周圍食嘢同玩，但走出去呼吸都好辛苦，加上有好多動作場面，大家都着到好厚，連我都差不多中暑。」如此辛苦，難怪Michelle身形明顯纖瘦不少，她謂：「練嘢多咗，瘦咗2KG，但全部都係肌肉，日日同特技組操。」

唔准太操勞

問到法籍未婚夫Jean Todt可有探班時，Michelle甜笑表示：「去布達佩斯拍外景時，佢有去探班。大家都知佢係邊個，都好尊重佢。」她又笑言Jean非常嘮叨：「成日叫我食多啲、休息多啲，搵替身，好似多咗個阿媽咁。（會聽話減產？）拍完會做少啲嘢！」

婚禮日日變

談到婚禮，Michelle透露至少要待今年11月過後才舉行，因其父親過世剛好一周年：「最緊要開心、簡單同冇壓力。（時間日期地點都未定？）未諗到，日日都變。（喺法國同馬來西亞搞？）佢家人少知己多，我就家人同知己都多，但香港一定有。因為我喺香港嘅時間仲多過馬來西亞，當咗香港係家人，但朋友情願我去第二度搞，因為可以順便飛。（零計劃？）乜都未，我哋好瀟灑！」

文：名人組