陳凱琳箍嘉穎鵬城攣情示威

港姐冠軍陳凱琳與甚少公開戀情的鄭嘉穎撻着後，獲嘉穎認證女友身份，然而近日Grace因拍劇集《張保仔》與同劇的陳展鵬、洪永城傳緋聞，她接受新一期《好報》訪問時，向嘉穎派定心丸，曲線否認花邊新聞，表示追求細水長流的愛情，對愛情態度謹慎：「我好認真，拍拖係想有天長地久，否則點解要拍拖？」

穿婚紗憧憬出嫁

Grace續指有時為工作要穿婚紗，亦會觸動恨嫁的心，甚至已憧憬舉行森林婚禮。近日網友對Grace在《張》中的演技有讚有彈，嘉穎甫完成內地工作，即「人肉速遞」返港氹女友，非常貼心。

新一期《好報》專訪陳凱琳，她細說與鄭嘉穎的關係。	陳凱琳希望與嘉穎再了解多點。（資料圖片）	陳展鵬（左起）、陳凱琳與洪永城玩到癲。

昨日和陳展鵬及洪永城出席無綫活動《迎挑戰 齊向前 TVB48年》的Grace，台前表現大方，台後卻跟兩位緋聞男友保持距離。台前Grace不惜借緋聞宣傳劇集：「我哋緋聞複雜，劇內都好精彩！」，陳展鵬更插嘴澄清：「現實中係無可能發生！」台後拍照時，原本獲安排站於陳、洪旁的Grace，卻突然走到傅嘉莉旁邊，想與兩男保持距離，但最終被傅嘉莉推回原位。三人之後玩作一團，期間Grace拉着洪永城的手。

接受黃秋生批評

Grace受訪時否認與陳展鵬暗交，對於已有結婚計劃，她說：「同佢（嘉穎）唔係拍拖好耐，想去多啲街，了解多啲先，大家唔使咁留意我哋。」她又否認閃婚的可能，但被問到男友年紀不輕，Grace稱結婚計劃還是順其自然。

對於被黃秋生批評演戲時多小動作，Grace表示會不開心都正常，但會追求進步：「自己演技有啲差，睇番都覺得唔自然，有前輩指點係好。（嘉穎有冇同你傾過？）有，佢話我做戲唔係好耐，呢個係新人必經階段。」

展鵬：唔啱口味

另外，同樣否認緋聞的陳展鵬，笑說Grace不是自己杯茶：「佢唔啱我口味，我都唔啱佢口味。」展鵬更笑言不如傳他與洪永城同性戀，之後他倆更扮咀嘴。對於有網民指Grace演技幼嫩，展鵬為她護航：「《張》係佢入行第三、四部劇，嫩係啱喎。Grace付出咗好多，佢唔識中文，要翻譯，我畀佢超過一百分。」而對於Grace已有夢想婚禮及演技被批，嘉穎至截稿前未有回覆。

文：專案組