「城詠」sweet爆邦邦冇眼睇
蜜運中的洪永城（Tony）和唐詩詠昨晚大放閃光彈，有傾有講人前sweet爆，舊愛崔建邦（邦邦）卻獨在一旁與詩詠沒甚交流，成強烈對比。詩詠在台上笑指自己在新劇《梟雄》中奪走湯鎮業首次床戲時，主持崔建邦聞言即說：「咁真係辛苦你喇阿湯！」令詩詠登時臉色一沉。
詩詠受訪時被問到洪永城、陳凱琳傳緋聞，要否睇實Tony防他曳曳？她笑說：「唔使啦，大家都會幫我(目及)住佢。」又說跟陳凱琳很熟，同場也不會尷尬，同時明白Tony攬陳凱琳為了宣傳：「陳展鵬會幫我教訓佢。」
Tony亦坦言與陳凱琳是好友，同場不會尷尬，即使女友在場也不用避忌：「都係為《張保仔》宣傳，搞吓氣氛啫！」
