趙哲妤食得夠巨

前中國小姐趙哲妤（Uny）一向識飲識食，更為有線主持飲食節目《為食情報局》，難怪自認是「為食妹」，她說：「依家好多人都鍾意相機食先，我都唔例外，每次拍完飲食節目，見到有特別嘅餐廳，自己都會再約朋友去品嘗一吓，最鍾情賣相誇張嘅食物，因為貪佢影相出嚟效果夠吸引。」
一見這個巨型烤肉串，趙哲妤驚喜到擘大口。
一見這個巨型烤肉串，趙哲妤驚喜到擘大口。

Uny透露最深刻的食物是12吋巨型漢堡包，要10位朋友一齊分享先吃得完，她又說：「最近食咗巨型烤肉串，成串烤肉仲長過我隻手，3至4個朋友去食就最啱。」她笑言拍完飲食節目後，有不少男仔爭相約會：「以前同男仔食飯，成日都係佢哋帶我食好嘢，依家就相反，男仔爭住跟我去食嘢，因為我門路比佢哋仲多，可以滿足到佢哋追求新鮮感呢個欲望。」

趙哲妤難忘12吋巨型漢堡包，要十個朋友一齊分享。
  • 趙哲妤難忘12吋巨型漢堡包，要十個朋友一齊分享。