張栢芝敏感遺傳唔准兩子吔月餅
【陳嘉敏米蘭直擊】藝人張栢芝日前從香港飛米蘭睇時裝騷，她於時裝騷上透露會在當地多逗留四日，順道在國外度中秋節，並表示已預早跟兩子一起慶祝節日，更大爆他們遺傳了自己對月餅有敏感的問題，故千叮萬囑他們切勿進食，以免導致身體出現任何敏感狀況。
張栢芝於米蘭時間24日，現身當地舉行的Ports 1961春夏預展，她於一場騷內共換了兩套裝束，先以型格套裝現身，其後再以吊帶裙亮相，席間又與品牌創意總監Natasa Cagalj合照，全程表現風騷！
晚晚視像通話
栢芝表示會在米蘭多逗留四日，中秋節也會在當地過，問她會否很掛念兒子？她說：「佢喺學校整咗個燈籠，仲傳咗段片畀我睇。我哋已經預早慶祝咗中秋，我唔畀囝囝食月餅，（覺得唔健康？）小朋友都唔應該食月餅，我自己都唔食。」她其後解釋三母子不能進食月餅的真正原因：「我對月餅有敏感，但我唔清楚咩成分引起，我兩個小朋友都遺傳咗呢個問題，所以唔可以畀佢哋食。」又謂晚晚有跟囝囝視像通話：「大家互相傳片畀對方。（囝囝有冇叫你快啲返？）OK，我同佢講我要做嘢賺錢，啲電唔係你撳個掣就有，返學係佢哋嘅責任，返工係我責任，佢哋好懂事。」
聞鋒菲保笑容
栢芝續透露在生小朋友前，亦曾來過米蘭時裝周，但當年行程匆忙，未有時間逛街及購物，她笑言：「我尋日已經偷偷去咗shopping，但因為落雨，冇買到嘢。我暫時未買到嘢畀小朋友，會再睇吓有冇童裝。」對於前夫謝霆鋒被指與王菲拜佛求婚期，問她會否支持對方再婚？其助手即時拉栢芝的手，栢芝聞言依然笑容滿面。另外，藝人胡杏兒與內地女星張歆藝亦於較早時候現身該預展。