Bobby講爛Gag萬綺雯爆笑

藝員歐陽震華（Bobby）及萬綺雯（蚊蚊）昨日為無綫台慶劇《東坡家事》拍宣傳片，兩人互窒放笑彈，蚊蚊踢爆Bobby拍劇途中睡着扯鼻鼾，Bobby不慎說有味笑話：「我對住關詠荷都有扯……鼻鼾呀我話！有次拍戲我演昏迷，佢喺我身邊喊，佢Feel到我想瞓就鍊吓我隻手等我醒啲。」Bobby則笑蚊蚊大笑時「笑到冇眼」：「其實你對眼好靚，係A眼，我就B眼！」現場又爆笑一輪！Bobby再指蚊蚊發音不準確，將「食飯」講成「射飯」，笑指自己較喜歡「射面」（食麵）。兩人提議再合作，但蚊蚊說：「你要買護膚品畀我！再咁笑落去唔係辦法！」Bobby再說：「我介紹你打針！我打咗隻人面獸心針，你就打隆胸化骨針！」