林德信為票房咩都肯露

藝人林德信（Alex）、J.Arie及林家棟昨日到電台宣傳電影《死開啲啦》，問到如果《死開啲啦》票房理想會不會學台灣男星王大陸裸泳？Alex笑說：「師傅（家棟）要我露咩咪露咩！」家棟即笑謂要大家換上街坊Look「露宿」：「可以拉近大家嘅距離，仲會cut晒啲化妝、車sponsor，要佢哋行過嚟！」家棟又感謝陳奕迅為電影唱主題曲：「佢睇完套戲好開心，我就叫佢獻聲支持，點知佢講咗六粒鐘，講到唔願走添，我都開心佢咁熱情。」