錢嘉樂禁盈盈拍劇：搵錢交畀我

湯盈盈自9月23日誕下細女Kassidy後，終在昨日粉墨登場。老公錢嘉樂更在太太出院前，帶同大女凱晴抵達醫院準備接妻女回家，身為BB契媽的梁靖琪亦有現身。抱着細女Kassidy的盈盈精神飽滿步出醫院，一家四口大方任影晒幸福，惟盈盈在訪問時透露暫時收肚，親接嘉樂口諭暫不拍劇，以休息充足，湊好細女，盈盈說：「嚟緊會坐月兩個月，專登學餵人奶，因為之前大女唔成功，今次希望餵細女半年至一年人奶。」嘉樂續說：「劇就唔會拍喇，小朋友大得快，想陪住佢哋成長，搵錢嘅嘢交畀我啦！」

似嘉樂冇發爛渣

問到Kassidy與誰相似？盈盈就指細女樣子似足大女，即與嘉樂餅印一樣，雖然嘉樂早前曾在公開活動稱盈盈會因Kassidy似嘉樂而「發爛渣」，不過盈盈昨日表示全不介意，更冧爆說：「因為我鍾意嘉樂！」然而嘉樂卻認為細女似盈盈，打趣謂：「好公平，一個似佢，一個似我，不過似我着數啲，因為靚。」

盈盈冧爆話因為鍾意嘉樂，不介意囡囡似爸爸。

梁靖琪身為BB契媽，亦有份接出院。

估大女會否呷醋

提到大女凱晴可有心理準備與妹妹共享玩具？嘉樂說：「反而係我同太太會緊張，要估吓幾好玩。（怕佢呷醋？）未表現出嚟，我哋都要估，所以對我嚟講係一個奇妙嘅旅程。」問他送甚麼給太太？盈盈即交戲摸自己耳仔，嘉樂謂：「耳環呀！不過都多謝盈盈，送咗兩份大禮畀我。」

文：影視組