盧頌之壓力爆燈啪藥大覺瞓

模特兒盧頌之（Dada）早前涉嫌酒後駕駛被捕，同時傳出與男友趙勁皓（King）分手。種種風波不但為Dada的事業帶來阻礙，也令她壓力爆登致經常失眠：「壓力大咗好多，有時夜晚會依賴食安眠藥瞓覺。因為第二日有嘢做，唔可以唔夠瞓，所以會想自己快啲入睡！」

醉駕事件踏入司法程序，Dada對前途充滿迷茫，不但靠傳統方法做運動來減壓，還求神問卜望上天保佑：「醉駕呢件事都係我嘅錯誤，但後來接二連三都有啲唔開心嘅事發生咗，我都有去拜吓神，求個心安！」

盧頌之與男友King齊齊面對小風波，打風都打唔甩。	盧頌之早前涉嫌酒後駕駛被捕。	盧頌之坦言會好好反省，望大家給予空間。

男友支持共同面對

外界屢傳Dada因此與男友King分手，Dada直言事件的確考驗到兩人關係，但幸好大家打風都打唔甩：「佢有嬲同鬧我，覺得我好幼稚。但最後佢都有安撫我，叫我唔使驚，會一齊面對！」她認為今次只是一個小風波，反而對大家關係有增無減：「對我哋嚟講都算係一個小風波，將來我哋繼續行落去，都會面對更多更大嘅風波！」至於外界有太多流言揣測，她希望大家給予空間，她會與男友一起面對，也會透過這段時間反省。

文：專案組

攝：劉斌

場地：Tropiary

服裝：Methodology