邢嘉倩聞結婚耍手擰頭
富商邢李(火原)女兒邢嘉倩於米蘭時間24日一連出席兩個當地舉行的時裝騷，首先是Max Mara 2016春夏騷，她透露已在米蘭多日，今次是第一次在米蘭睇騷：「今日會睇幾場騷，時間都好緊迫，聽日就離開米蘭去參加朋友婚禮。」被問到朋友結婚，會否有衝動想結？她即耍手搖頭說：「No no no，not me。（事業為重？）唔係，呢啲睇緣分。（依家有冇拍拖？）永遠都有，唔會唔拍拖，但未講結婚，家人冇催。」
之後，她在另一場Fendi騷上，被問到有報道指她帶外籍男友見後母林青霞，她表現愕然：「我都係依家先知。（好事近所以見家長？）唔係，佢唔係我男友，係一個男性好朋友，向來都會帶朋友見屋企人。」
