張智霖恨一家人做義工
張智霖（Chilam）昨日為無綫節目《星光熠熠耀保良》綵排歌舞，有大班女舞蹈員伴舞的他可謂艷福無邊。Chilam今年是保良局親善大使，日前已應邀到訪特殊學校，他稱：「都好想帶埋自己囝囝去感受一吓，最想有機會一家三口一齊做義工！」
Chilam剛忙完電影，稍後便會參演內地競技真人騷節目，他笑稱應付自如：「之前玩《獎門人》已經受過曾志偉好多特殊訓練，自問競技方面都見得吓人，自己又鍾意玩。（有指內地最近打壓真人騷？）係咩？我暫時又未受影響！（賺好多？）盡做啦！（願意畀囝囝亮相？）學業為先啦！如果可以增廣見聞，何樂而不為呢！」