張栢芝幫仔追功課呻辛苦
張栢芝前晚啟程參與米蘭時裝周，她興奮提到家中兩子將於學校跳級讀書，表示幫他們追功課好辛苦，幸好囝囝適應力強。談到兩子有否見過謝霆鋒？栢芝即大拋金句：「咁要問番佢哋爸爸！」
藝人張栢芝前晚現身機場赴米蘭參與時裝周，台灣天王嫂昆凌更已率先抵達當地。有關方面安排傳媒於晚上九時許在航空公司櫃位等候，惟栢芝姍姍來遲，一小時後在經理人及助手陪同下出現。她透露今次將逗留當地約五日：「會睇2場騷，同鞋履設計師會面，此行抱住玩嘅心態。」提起大仔謝振軒（Lucas）及細仔謝振南（Quintus），栢芝興奮地說：「學校畀佢兩個跳級，本來幫佢哋追功課好辛苦，但小朋友好快適應。我出門時Quintus要我帶意粉同pizza畀佢。佢唔係掛住我，似掛住啲嘢食！」
唔信王菲大肚
她坦言會為兒子回流香港生活：「佢哋去邊我去邊，今次我出門，有屋企人及公司同事幫手照顧。」提到兩子有否見父親謝霆鋒？栢芝就拋出金句：「咁要問番佢哋爸爸。（霆鋒公司香港生意唔係幾好？）我冇睇報紙，但如果真會送上祝福，希望唔好嘅事唔好發生。（王菲有咗BB？）呢個有聽過，傳聞啫，即唔係真啦。」之後栢芝自稱單身，笑指有傳她與內地富商孫東海熱戀屬「流料」。但談到她與前經理人公司老闆陳嵐的瓜葛，栢芝即避談，只向記者謂中秋節快樂。
王大陸有求必應
此外，台灣男星王大陸前晚亦上機返台北，獲多名粉絲送機的他有求必應與粉絲自拍。問到大陸於十月首映時再度訪港，會否有驚喜給香港觀眾？他表示要等電影公司安排。同場更有曾國祥及女友王敏奕恩愛出發到加拿大參加友人婚禮。文：影視組