呂慧儀認變態整人奶番梘

呂慧儀昨抱病出席中秋活動，她說：「老公病咗，分房瞓都中招。自己餵人奶後，好耐冇食成藥，食完都暈陀陀。（囝囝一歲仲食人奶？）係，開劇就冇得食，盡能力，依家諗緊將多出嚟嘅人奶做番梘，遲啲如果個仔皮膚有問題可以用，我係個變態媽媽，為BB安全，情願研究親手整。（搵緊學校？）唔會報太多，揀三間近屋企，對個仔有信心。（訓練面試？）冇，一歲面試都做唔到乜，可能同佢傾多啲偈。」