高海寧恨異地戀韓仔啱口味
無綫藝員高海寧與黄子恒昨日到將軍澳電視城為節目《姊妹淘》擔任嘉賓。高海寧剛由加拿大為無綫宣傳節目返港但因溫差生病，今日又要飛到新西蘭為新西蘭華裔小姐競選擔任評判。單身的高海寧笑謂到加拿大沒有艷遇發生，要留待稍後再到韓國旅行碰緣份，她笑說：「有個朋友嫁咗去韓國，佢話介紹男仔畀我識，何雁詩都搵咗個韓國男友啦，自己唔排除任何可能，呢代啲韓國男人唔再大男人，好錫老婆、好專一，自己接受到異地戀o架。」
葉翠翠希臘蜜月冇「出血」
《姊妹淘》主持葉翠翠與王子涵宣布由10月5日起節目會一星期播足五晚而與老公剛到土耳其、希臘等地二十日度蜜月返港的葉翠翠透露：「去了希臘幾個島，嗰度下午曬、夜晚又凍，後期都病咗。」翠翠笑指老公幸運，因她不好名牌衫褲，只買了護膚品，故沒有大出血，她說：「老公買咗幾個希臘女神像，我就買了一對海馬，仲買多咗隻海馬仔，留畀將來小朋友。」
另翠翠更透露有生BB計劃，她說：「我都有問老公幾時生，佢話唔使即刻，擔心有小朋友後唔再喺我心中排第一位，變成二打六。」
文：影視組