洪永城叫陳展鵬自我檢討
陳凱琳（Grace）和洪永城（Tony）昨日接受新城訪問，齊為無綫劇《張保仔》宣傳，講到首集有25點收視，洪永城僅在劇尾出現2秒？Tony表示：「知道平均收視25點，我聽公關講就係我嗰2秒就全晚最高收視有27點。」問Grace拍槍戰是否很辛苦？Grace謂：「係呀，因為我又奀又瘦，裝備又重，都係一種鍛煉嚟。」男友鄭嘉穎可有心痛？Grace謂：「佢好似未睇。」
另有傳Tony和陳展鵬不和？Tony謂：「冇，我當佢哥哥，當佢朋友看待，都冇話咩大問題出現。（展鵬話你咁快有男主角做仲搵埋個筍盤唐詩詠？）咁叫佢檢討吓，（咁講唔怕展鵬嬲？）佢唔會，佢要自我檢討吓。」Grace笑謂：「佢講笑，咪認真。」