王宗堯有3千萬票房裸泳
歌手林德信（Alex）和男神王宗堯前日出席頒獎活動，二人齊獲頒年度男士獎，記者指Alex在眾得獎者當中最年輕，他謙虛說：「其實我都老喇！（遺傳爹哋咁有型？）唔係，係遺傳媽咪，爹哋少少型啦。」並表示擁有時間觀念是自己最有魅力的地方。
而王宗堯對獲獎表示高興：「可以有機會攞多個獎，希望嚟緊多啲大牌子搵我代言，下年收入多啲。」問到是否儲錢置業？他說：「父母都叫我有錢就買。（儲緊錢？）儲緊，喺老闆度，每個月會出一份固定嘅糧。」他還大賣口乖表示感謝老闆蕭定一給予佢不少機會。
另外，他與組合Super Girls昨日出席山頂活動時透露下月2日的37歲生日將在工作中度過：「嚟緊都要為電影及劇集做宣傳，11月就為新片《導火新聞綫》開工。」又謂如果將來套《導》有3千萬票房會肯裸泳。