陳偉琪望佳節有仔陪
無綫新咪神之一的陳偉琪（Vicky）早前在節目《超強選擇一分鐘》穿泳衣大晒E Cup強勁胸器，成為宅男新寵，這日她換上白裙化身玉兔玩燈籠，若隱若現晒性感，甜美笑容更與台灣女神陳妍希九成似！
曾在加拿大升學的Vicky，對中秋節相當重視，當年會跟家人食月餅過中秋，返港後氣氛更濃，例必跟親友搞敍會：「舊年約朋友去海邊賞月，見到有一家大細，又有好多情侶，令我有更珍惜身邊人嘅感覺！（約男友過節？）依家單身呀！希望人月兩團圓，快啲有人陪啦！」她表示兒時曾意外灼傷手，至今仍有陰影，不敢劃火柴，望盡快找到男友為她點燈籠。