羅霖夠膽風流 拒絕sheshe
作為基督徒的「美魔女」羅霖，透露將拍攝電影，但由於角色是女同性戀者，與她宗教信仰有衝突，故她希望能改動劇情，即使要她飾演風流女性亦可。雖然一切尚未落實，但她已預先鍛煉馬甲線，相當專業！
藝人羅霖、謝婷婷、鄭中基太太余思敏、方力申、鄭欣宜等昨日出席IIJIN亞洲首間旗艦店開幕活動。穿上金色露腰兼露背套裝的「美魔女」羅霖更自爆真空上陣，只貼乳貼，身形fit爆。
積極練歌錄音
她表示正積極鍛煉馬甲線，為拍攝電影做好準備，但她透露是次電影角色是同性戀者，兼有性愛場面，與她的宗教信仰基督徒有衝突，亦怕會影響到讀基督教學校的囝囝，故要再開會商討會否改動劇情。她說：「如果係話女性風流，有幾個男人我都可以接受，不過雙性戀嘅角色就同我宗教有牴觸。」另外，她透露將為新歌錄音，故正積極練歌。
余思敏送祝福
余思敏被問到其老公鄭中基前妻蔡卓妍與陳偉霆分手，而令老公離婚的事被重提，有否因而不開心？她大方回應：「唔會，過咗去就過咗去，每個人都有過去。祝福佢。啱嘅時間會遇到啱嘅人。（老公有冇表現到唔開心？）冇，佢好忙，比我仲少留意新聞。（你哋有冇傾過？）好少談論娛樂新聞，一齊都係講小朋友嘅嘢。」而謝婷婷則坦言對胞兄謝霆鋒的製作公司縮減香港業務全不知情，笑言二人的話題只圍繞煮食。
文：名人組