Mali恨孖成龍打住上
泰英混血模特兒Mali，自小在泰國長大，早前因參加過當地舉行的模特兒比賽而有機會來港發展，並成為名模Amanda S.師妹。去年正式殺入香港的她，坦言最愛食車仔麵，很希望學好廣東話，與偶像成龍「打」住上拍電影！
名模Amanda S.師妹、現年21歲的泰英混血模特兒Mali，早前曾參加過在當地舉辦的「Thai Super Model」模特兒比賽入選20強，雖然並沒獲得任何獎項，但卻被Amanda S.所屬模特兒公司睇中，去年羅致旗下來港發展，主力發展模特兒事業。
至愛車仔麵
在泰國長大的Mali，對香港所有事物都感到新鮮，更對「車仔麵」情有獨鍾：「我好鍾意食車仔麵，成日都會去食，每次有泰國朋友嚟探我，我都會帶佢哋去食！」
除對香港本土食物情有獨鍾外，Mali更揚言希望與國際巨星成龍合作，她說：「我好鍾意成龍，喺泰國成日都有睇佢嘅戲，覺得佢好有型同好好打！（想做打女？）如果有機會我又唔介意，首要條件都係想學好廣東話，因為我依家主力喺香港發展，就算唔識講，都好想識聽，起碼同人溝通都容易好多。」
Profile
姓名：Mali
年齡：21歲
身高：1.75米
三圍：32D、24、36
入行經過：曾參加「Thai Super Model」模特兒比賽，之後到香港發展，並加入成為名模Amanda S.師妹。
文：專案組
攝：吳文聰