謝安琪讚張繼聰啱做人肉摩天輪
張繼聰演出無綫劇《收規華》，演技大獲好評，就連太太謝安琪都大讚兼自認影迷，更讚老公無論做「人肉摩天輪」還是「校巴司機」都恰如其分，不過繼聰卻自嘲演技差，更打趣叫老婆不要讚自己：「咪即係平時覺得我係假？」
一班無綫劇集《收規華》的主要演員包括楊明和張繼聰等，前晚到林夏薇（薇薇）新開張位於北角的火鍋店打邊爐兼收看劇集大結局，張繼聰更攜太太謝安琪（Kay）到場。
Kay訪問時稱自己是繼聰的小影迷，對老公無論在劇集抑或家中的「演出」均誇獎不絕，問繼聰是否她心目中的影帝時，Kay更稱：「佢喺我心目中都有好多個角色，例如人肉摩天輪、仲有係校巴司機，好多角色都做得好好。」
繼聰亦自認是太太的歌迷，笑謂二人外出拍拖便是一對一的粉絲聚會。不過，當Kay滔滔不絕狂讚老公的演技時，繼聰就在旁打趣自嘲，吩咐太太不要讚他好演技，他笑言：「咪即係平時覺得我係假？」
林夏薇棄度蜜月
而火鍋店老闆娘薇薇榮升莫太不久，即使《收》劇完美落幕亦未言休息，因她需在飲食界落力打拚，更透露屯門分店現已試業當中，無暇與老公補度蜜月，問到薇薇何時「造人」？她則表示暫無計劃：「唔係話個天跌落嚟就有(口架)嘛！要隨緣！（有BB會講？）有咗冇得唔講。」《收》劇另一男主角楊明直認與繼聰因劇萌生兄弟之情，更稱會自動請纓為繼聰十二月的個唱「執頭執尾」。
文：影視組