阿Sa開腔護霆冇第三者

蔡卓妍（阿Sa）與陳偉霆（William）的五年情終抵不住多方面的壓力，前日凌晨二人發表分手宣言，震驚娛樂圈。阿Sa前日在蘇州出席活動後，搭飛機至深圳再搭七人車返港，約20名記者已守候深圳機場。至前晚近12時，戴上口罩的阿Sa由兩名助手陪同下步出機場，大批傳媒一擁而上，期間造成少許混亂，有途人更因而被撞到。阿Sa對於一切提問都未有回應，僅表示：「其實我要講嘅嘢喺聲明講晒，唔該大家。」

最心痛男友被踩

至於阿Sa和鍾欣潼（阿嬌）昨日在新蒲崗合體為無綫慈善節目《星光熠熠耀保良》綵排，同樣引來數十名傳媒到場採訪。兩人與舞蹈員合照時，阿Sa明顯強顏歡笑，面帶憔悴，甚至連跳舞時也顯得沒有力氣。其後阿Sa阿嬌一同受訪，首度就「分訊」回應。阿Sa多次表示想講的事已透過文字表達，對於分手原因是否與粉絲及輿論壓力有關？她坦言：「都包括，粉絲互相攻擊。我唔介意睇到有人攻擊自己，但痛心見到某啲粉絲攻擊對方，呢樣係最唔想見到！」

阿嬌陪同好姊妹阿Sa一齊受訪並給予支持。	阿Sa前晚現身機場被大批傳媒追訪。	一臉憔悴的阿Sa，強顏歡笑連跳舞綵排也顯得冇力氣。

有指William搭上內地女星趙麗穎致分手，阿Sa則再三強調絕無第三者：「由始至終都冇，絕對冇，係見得少又忙。」同時她更否認因William在內地爆紅而影響感情：「佢唔係咁嘅人，我哋識咗咁多年，雖然唔係情侶關係，但仲係好好嘅朋友。佢絕對唔係咁嘅人，我好清楚！」問到下次戀愛會否選擇地下情？她則表示順其自然，心情亦已平復，問到好姊妹阿嬌有否陪伴阿Sa？阿嬌表示：「我有陪佢傾偈。（開解佢？）我哋在心中，內容唔講。」

毋須靠「分訊」造勢

對於有傳兩人分手一事乃是Twins個唱及William內地劇的宣傳手法，阿Sa否認：「唔係個個藝人都需要呢樣嘢宣傳。我同佢由始至終都唔使，只要大家唔問唔講就係最好嘅宣傳。」然而自言心情平復的阿Sa，其後接受電子傳媒訪問時，最終亦忍不住雙眼通紅。

她們完成綵排後，經理人霍汶希率先離開，約五分鐘後阿嬌與阿Sa亦前後腳閃人。阿嬌在停車場時不時探頭望在場記者，她上車後阿Sa隨即現身。活動後阿Sa明顯更見疲態，並在兩名工作人員陪同下乘七人車回九龍塘住所。