嘉玲難忘太肥失阿珂啟華畀萬子揪嬲爆

由劉嘉玲主演的《鹿鼎記》和吳啟華主演的《流氓大亨》，均被列入《重播你有Say》經典系列劇集，當年仍屬新人的二人回憶拍此劇難忘事時都津津樂道，當中嘉玲更以當年有babyfat作為自我警惕：「我嗰時真係好肥，成日播都警惕自己唔好變番以前個樣。最難忘同商天娥去試鏡做『阿珂』呢個角色，好不幸地我好肥，所以落選咗。呢件事講番就得啖笑，但當時我唔係幾開心，因為肥失去咗個角色，演員真係要保持個狀態。」
劉嘉玲當年因有babyfat爭演「阿珂」失敗。
劉嘉玲當年因有babyfat爭演「阿珂」失敗。

不愛演奸角的啟華則對劇中被萬梓良鍊頸幾乎斷氣一幕還歷歷在目：「嗰場戲講我喺法庭外無罪釋放好得戚所以畀萬子（萬梓良）打，有武指喺度，佢都話唔使度，諗到點打就點打先最逼真喎，點知真拍時萬子真係飛個垃圾桶埋嚟，鍊住我條頸幾乎抖唔到氣，當時我好唔開心，拍戲啫！後來萬子送隻古董錶賠罪！」

吳啟華表示當年堅嬲萬梓良。
  • 吳啟華表示當年堅嬲萬梓良。