甄詠珊證女人唔好蝦
前組合Freeze成員甄詠珊與師弟安俊豪昨日出席活動，甄詠珊早前搭的士涉嫌被兜路兼遭「問候」，她透露今天將到警局落口供。她稱決定到警局備案不是希望懲罰該司機，而是想告訴其他人，不要欺負女子。問到可會叫男友做「柴可夫」？她說：「我同佢係異地戀，佢有送車畀我代步，佢請司機畀我又唔抵喎，我又唔係成日出去。」
對於近日被瘋狂抽水的組合FFx歌曲《Sugar Baby》，甄詠珊說：「首歌識背啦，好容易入耳，聽幾次就上口，但啲女仔可以投入番啲，有好大進步空間，以前我都唔唱得，但會努力練歌。」問有網民建議Freeze合體復出？她說：「睇吓有冇機會啦，可能Sukie（石詠莉）開演唱會請我做嘉賓。」