陳凱琳：未見過吵大鑊
藝人陳凱琳（Grace）昨日亦有現身長洲宣傳無綫劇《張保仔》，大受長洲市民歡迎的她被途人捉實拍照，在拍攝時已來回長洲十次的她，透露兩年前回港參選港姐時，曾與爸爸去過長洲的張保仔洞，笑指太窄不敢行入去。
提到陳展鵬與洪永城被指不和，Grace謂拍攝時不覺有異樣：「可能因為兩個男主角就有呢啲傳聞，其實套劇就好平均。」談到Tony不時捉實Grace傾偈，鮮與陳展鵬交流，Grace笑謂：「我同佢friend啲，佢同我吹水啫！」有指展鵬鬧Tony當片場是遊樂場，她則謂未聽過，又指二人亦曾合作拍劇，甚有默契，亦未見過二人吵架，笑謂自己反而與Tony嗌交多：「套劇我哋成日鬥嘴，佢鬧我臭婆娘、我鬧佢變態佬！」