馬天佑：有慰問阿Sa
陳偉霆與蔡卓妍分訊震驚娛圈，不少圈中人對此議論紛紛，齊聲謂感到可惜。
曾與阿Sa傳緋聞的歌手兼形象指導馬天佑：「我剛剛由倫敦落機，都係睇即時新聞先知，我都有啲嚇親。（你有冇慰問阿Sa？）算係慰問咗，我冇問佢細節，只係畀佢知道發生咩事都好，我會祝福佢哋兩個嘅決定，我會精神上支持佢。（會唔會戥佢哋覺得可惜﹖）點都覺得有啲可惜，佢哋都係成年人，會尊重佢哋決定。」
林欣彤：「好可惜，自己都經歷過分手，覺得唔應該Focus喺分開，而應該Focus喺大家曾經一齊開心過，彼此令對方成長，我會祝福佢哋。（慰問阿Sa？）比較少見到，旁人唔應該問太多嘅。」
馮允謙：「上次澳門見到阿Sa同William喺後台幾有火花、幾sweet，William表演時，阿Sa同阿嬌都有望住佢跟住跳舞。可能William去咗內地發展，冇咁多時間，但我祝福佢哋繼續拍拖，覺得佢哋好Sweet，雖然分咗手，唔知會唔會有第二次o架嘛。」