連詩雅挪威跑半馬望有bonus

冒跛出戰挪威半馬馬拉松賽事的歌手連詩雅（Shiga），跟盛傳被硬撬過檔的前鄧麗欣Loey「球花」梁諾妍（Inez）於本周三已起程飛往當地準備賽事，她們一到埗便馬上急不及待地去領取選手包，及挑選適合自己尺碼的戰衣和跑鞋。
連詩雅（右）與梁諾妍領取選手包，展示賽跑編號。
連詩雅（右）與梁諾妍領取選手包，展示賽跑編號。

昨午當地時間二時開跑，兩人大呼心情非常緊張，問到有否設下目標名次？Shiga說：「我希望可以三個鐘內跑完，完成到就已經好開心，如果喺兩個半鐘內跑完就係bonus。（仲有冇食消炎止痛藥？）盡量唔食，食咗個人會腫，之前忙宣傳工作，要影相，為貪靚而停咗藥，依家靠用冰敷腳。醫生之前都叫我唔好跑，同埋話真係冇得痊愈，返嚟仲要keep住做物理治療。」Inez則說：「我目標係兩個半鐘內跑完。」

兩人細心揀選戰衣。
  • 兩人細心揀選戰衣。