Bobby鬼屋放笑彈孖定欣鬥戲
無綫劇集《執到寶》在當年口碑甚佳，據知無綫計劃將之包裝成新故事，由歐陽震華、胡定欣及滕麗名等遇上開心鬼胡楓及羅蘭，早前在《鬼同你OT》演鬼獲讚的定欣，今次角色卻不信鬼神，相當考演技！
《東網巨星》正舉辦投票活動《重播你有Say》，由市民在十套無綫經典劇中揀選最想重播的一套，其中一套是1980年劇集、由馮淬帆、黃韻詩、林子祥及甘國亮等主演的《執到寶》，以鬼古包裝Sell親情，在當年來說大膽創新。
胡楓羅蘭做開心鬼
據知，無綫計劃拍攝新版《執到寶》，主角歐陽震華（Bobby）、胡定欣及滕麗名等人在鬼屋遇到奇事，並由資深演員胡楓及羅蘭飾演開心鬼！監製方駿釗大讚舊版到今日仍不過時，故利用舊版的構思，重新包裝新故事：「今次係喜劇形式，冇當時鬼上身嗰啲咁恐怖，仲會緊貼時代，用wifi治邪。」今次是Bobby早前與無綫發生不咬弦事件後第一套劇，令人期待！而早前定欣在《鬼同你OT》中演鬼獲讚，被指有望問鼎視后，新劇角色卻不信鬼神，甚考演技。
Bobby昨日在電話中表示早前傾合約時高層曾勵珍已表示留定此劇給他，因可發揮其搞笑天分，並說：「今次羅蘭、胡楓、劉江幾位前輩都係演鬼，相信一定好好笑！」提到今次跟胡定欣演一對，Bobby大讚對方演戲愈來愈穩健：「我欣賞佢，佢今年拎埋視后都唔出奇，相信同佢會有火花！」
阿滕：新劇11月開
此外，滕麗名（阿滕）昨日與曹永廉到佐敦拍攝新劇《純屬意外》外景，阿滕透露11月將拍攝新版《執到寶》，問到是否重拍劇？她說：「有啲故事係，暫時未知晒，11月頭會開！」問到老公可有投訴她太忙？她說：「佢唔慣囉！（叫你收山？）唔會，佢知我唔做嘢會悶。」另外，當年為《執到寶》任導演的監製徐遇安透露因是接替腰斬劇《輪流轉》播出，拍攝期非常趕急：「一個月要拍起，大家喺片廠紮營，七日先出去換衫沖涼，好開心到今日大家都記得呢套劇。」
文：影視組