安仔唔識BB話懶做老竇
許志安昨舉行演唱會DVD簽唱會，獲小朋友「安仔仔」送上特大心意卡，又收到大會送的兩個共20公斤的啞鈴，安仔受訪時講到在台上不明白「安仔仔」的BB話，他笑言：「小朋友係要相處一段日子先聽得明佢講咩，有人話要做爸爸先聽得明，所以我諗我都冇咩機會聽得明。」
講到無綫打算明年增加音樂節目，安仔舉腳贊成：「好期待，大家可以上去唱歌做宣傳，依家少咗渠道，令歌曲壽命短咗，唔夠深入民心。」至於無綫亦計劃以全民投票方式搞音樂頒獎禮，安仔直言：「每年都有唔同機制，冇話邊隻好唔好，最重要係背後原意係想支持大家。」