洪永城谷收視預告着泳衣跳海

昨日洪永城（Tony）、陳展鵬、陳凱琳（Grace）、邵美琪、黃智雯、傅嘉莉等於帆船上宣傳新劇《張保仔》，智雯險因帆船左搖右擺而跌倒，要由Tony捉實。

活動上Grace要從寶箱中抽出劇中的角色後嫁給對方，Tony在Grace抽之前說：「希望唔好嫁畀我啦！」陳展鵬即說：「你肯（唐）詩詠都唔肯啦！」當Grace抽到要嫁給陳山聰時，陳山聰就謂：「你唔嫁得畀我(口架)，我又唔係Kelvin（鄭嘉穎）!」

陳凱琳滿意合約內容

劇中男女主角Tony與Grace對收視有信心，問Tony若收視高有何表示？Grace搶答：「跳海！」再問Tony是否穿三角泳褲跳海？他笑答：「咁不如着波叔（即男裝吊帶泳褲）嗰條啦，收視過40點就着。」

龔嘉欣（左起）、姚子羚及黃智雯攬實合照。	傅嘉莉	陳展鵬於船上表現活潑。

有傳Grace與無綫簽下十年長約，她指合約屬私隱，但滿意內容，作為新人的她希望累積經驗。至於有否向男友鄭嘉穎討論合約內容？她說：「因為嗰時未識佢，我覺得要慢慢做，屋企人都同意贊成。」對於好友陳瀅密密拍廣告，兩年賺200萬元，Grace直言替對方開心，但不會羨慕亦不想比較。洪永城則沒有透露何時與無綫約滿。

陳展鵬：再續拎退休金

同為男主角的陳展鵬被問擔不擔心遭Tony搶走戲份？他謂最緊要觀眾看得開心。有傳他與黃智雯要求與無綫簽長約，二人笑笑口指有見過高層，只是想了解他們的工作，沒有傾過合約。展鵬笑謂：「我份約本身都好長(口架)，再續就拎埋退休金！」黃智雯亦稱合約仍有一段時間，不過有約見樂易玲傾新約，她說：「約要慢慢傾，女仔要考慮周全啲。（考慮埋結婚？）呢啲係女仔必經階段，但唔係最阻礙嘅事，TVB係首選」。

文：影視組