克勤唔找數拒咀女觀眾

《容祖兒李克勤演唱會2015》前晚舉行第五場，祖兒看到前輩胡楓到場支持，即將4小生的怒摑風波擺上枱。祖兒問：「點解唔帶埋謝賢嚟睇？」克勤亦加把嘴說：「應該帶謝賢同曾江一齊嚟睇，你就夾喺中間再打多一次嘛！」
克勤與祖兒邀女觀眾上台跳舞。
克勤與祖兒邀女觀眾上台跳舞。

克勤於跳舞環節打算邀請一位女觀眾上台跳舞，不過對方卻扭計說：「除非你錫我一啖！」在全場起哄下，克勤只好說：「如果你跳完全場覺得OK，我就盡量滿足你要求。」之後三人邊唱邊跳《舊歡如夢》，贏得全場歡呼聲，但克勤拒絕「找數」：「依家畀兩個選擇你，一係錫祖兒一啖，一係就返埋位，我知你想錫祖兒。」他最後亦與女觀眾抱抱表達謝意。

胡楓睇騷興奮到企起身。
  • 胡楓睇騷興奮到企起身。