胡定欣Fit過男友Gym Gym自喜

胡定欣昨日到西貢為維特健靈健康食品拍攝廣告，期間她喜獲工作人員送上視后獎座蛋糕，預祝她於台慶頒獎禮上奪獎，令定欣大為驚喜。

多謝客戶支持

定欣很感謝客戶支持，給予自己信心奪得視后：「客戶喺我每次有劇出都會落重料喺公司落廣告，希望品牌No.1。（有信心攞視后？）提名咗先，但係要畀信心自己。」她又透露今次屬第二次與品牌合作，很滿意酬勞。

近日頻頻於社交網上載做Gym相的定欣，被問是否為拍廣告而操Fit？她笑言做Gym比返工勤力，身材比男友更Fit：「我拍緊劇有打戲，而且跟陳山聰做Gym後就愛上咗，瞓少啲都去做運動。依家有『馬甲線』同『老鼠仔』。（同男友陳明道一齊做？）佢自己都有，不過我Fit啲！ 」

胡定欣笑指身形比男友（左）更Fit。

近日經常做Gym的胡定欣拍廣告時盡展Fit爆身形。

繼續努力拍劇

近日無綫花旦相繼離巢，有指徐子珊獲三千萬利誘過檔，定欣直言曾於中環撞見子珊。她指藝員到了某個時候要有新方向，故停下考慮亦正常。定欣又稱與無綫合約尚有一段時間，現時會繼續努力拍劇。提及同劇《城寨英雄》的伍允龍及劉佩玥傳緋聞，她則稱不知情：「咁快？我唔知，我哋拍得如火如荼。」

文：影視組