黃長興搞飲食無懼貴租
黃長興位於天后的餐廳昨開幕，其妻女及圈中好友苟芸慧、高鈞賢都有撐場，長興表示餐廳已做了5年，今次轉營運模式，用了50萬裝修。滿腹大計的他謂：「如果做得起，想去商場開，唔介意租貴，最緊要人流，睇緊太古城。依家做飲食都係副業，同無綫仲有約，將會傾約，會簽耐少少。」
苟芸慧穿自家點心店的T恤現身，說到舖頭生意，她表示：「OK，冇諗過『蛋黃哥』點心會咁受歡迎。（係咪會唔做幕前？）生意係興趣，我負責夾錢同設計。（同無綫已解約？）唔係，請咗4個月假調理身體。」已離開無綫的高鈞賢亦開了日本爐端燒店，他有留意無綫藝人離巢的報道，坦言自己離開前都有傾長約，但想趁年輕做自己喜歡的事。