徐濠縈：人生一定要睇一次

琦琦

之前喺日本睇過，好值得睇，係最好睇嘅演唱會，一定會再睇，之前有朋友叫我去德國睇，後來知會喺亞洲舉行，所以冇去。我想去澳門睇，聽講個場好新，設計好靚，座位又好舒適。

徐濠縈

我最多都係睇香港同澳門站，人生一定要睇一次嘅，都係睇佢嘅製作，一睹佢風采。（係咪撲最貴VIP飛？）貴飛？唔知使唔使畀錢買喎，因為我哋（同老公陳奕迅）好少畀錢買演唱會飛（口架）喎，哈哈。（聽聞你已經開始撲飛？）有人主動問我要唔要（飛），咁老公（陳奕迅）一定幫我撲到飛，哈哈，亦會有人好心幫我哋留飛。

薛芷倫

喺拉斯維加斯睇過，因為喺賭場入面，坐得好近，氣氛好熱鬧，跳舞、唱功、服裝都一流，我覺得一生人最少要睇一次。今次我都會睇，一定要最好嘅位，就算貴，都係物有所值，雖然開騷嗰時係農曆新年期間，可能會去旅行，但為咗佢會遷就時間。