雷頌德買錶冧老婆顯心意
作曲人雷頌德（Mark）昨日以設計師身份，與品牌創辦人沈慧林齊出席「萬希泉X雷頌德Bourbon陀飛輪」發布會，今年第二年跟品牌合作，Mark大表興奮：「預計十一月有得買，都係做200隻左右。我自己不嬲對鐘錶好有興趣，（有幾多收藏？）嘩，收藏咗幾十年，如果計埋膠錶都數以百隻，不過依家入自己錶就唔使再買喇，（有冇送錶畀太太？）有，錶又保值，我覺得係一份幾有心意嘅禮物。」
談到為陳慧琳（Kelly）演唱會做音樂總監，他透露已開始綵排，大讚Kelly狀態很好，他笑說：「佢不嬲都咁fit，同埋佢係一個準備充足嘅人，所以已經開始練歌練舞。」至於不少作曲家愛喝酒取靈感，他即耍手說：「我好易醉，而且做嘢要喺清醒情況下，但年紀大，都鍾意品吓酒。」