千嬅出絕「蕉」撼谷奶Cara

【車綺敏澳門直擊】楊千嬅前晚現身澳門品牌活動,身穿半透視裙登場的她,若隱若現地透出半個「八月十五」,力撼同場兩位大騷「半球」火辣身材的模媽Cara G.和周汶錡,上演星級人妻兼靚媽的性感大戰!千嬅還笑言自己的「半月」似一條蕉。

歌手楊千嬅、名模周汶錡(Kathy)和Cara G.等前晚現身澳門出席Burberry澳門銀河店開幕活動,身穿連身裙亮相的千嬅,裙襬半透視似透出半個「八月十五」,若隱若現地滲出神秘感,而同場的Cara和Kathy亦絕不遜色,二人齊以超低胸連身裙上陣,大騷事業線和弗到漏身材,吸睛度爆燈。

雙骨人很重磅

談到服裝透出「半月」,千嬅笑言月亮分不同種類:「月亮有分尖、full moon,我係一條蕉,都希望有full moon感覺,但正所謂『好醜命生成』,惟有認命,(想有葫蘆身形?)唔會,如果啲人見到我玲瓏浮凸嘅身形會唔慣,(有冇問老公鍾唔鍾意?)餵人奶嗰陣試過問,(會唔會再追B?)我有諗過,囝囝寂寞,想佢有個伴,(幾時實行?)返去問下老公邊年生肖夾生先得。」她續表示仍為巡迴演唱努力瘦身中,並透露自己是雙骨人,故身形纖瘦了仍很重磅,現時是110幾磅。

周汶錡超低胸

而誕下細囡Freija約一個月的Cara透露,現仍在餵人奶關係,上圍升Cup到34D:「平時嘅我係冇胸,(你令我哋呼吸唔到!)我自己都呼吸唔到,因為我肚腩又大胸又大,(老公鍾意你S形嘅身材?)佢咩都鍾意,最鍾意我懷孕嘅時候,唔會介意我個胸大唔大。」她續表示細囡長得健健康康,又謂Freija之名帶有神的愛意思,還笑稱起初以為醫院調轉了自己的BB:「因為佢同India(大女)好唔同,佢係白皮膚,啡頭髮,綠眼睛,而India就啡皮膚、頭髮同眼睛。」

至於早前誕下囝囝Jacques的Kathy穿超低胸裙,她謙虛表示只是衣服剪裁了得而凸顯了美好身材。談到妹妹周麗淇大前日已公開承認與徐正曦的「分」訊,她表示希望大家給予她多些空間,先讓她享受單身時刻。