張紋嘉3字頭 緊張到內分泌失調
歌手張紋嘉與王梓軒昨日出席鐘錶展，二人即場獻唱及與觀眾玩遊戲。其中張紋嘉透露剛過了30歲生日，緊張得內分泌失調，她說：「我覺得到30歲有好多嘢想做但未做，好多嘢未完成，原來踏入3字頭真係會緊張，睇番以前，覺得自己浪費咗好多時間，依家過咗生日就係另一個階段，冇二十幾歲時咁迷惘，希望可以做好自己嘅事業，好似演舞台劇。」
而感情方面，她自言也着急恨拍拖，但認為是控制不了，並稱不介意和圈中人談戀愛。而王梓軒則透露父母下月生日，希望在場內揀選合適的腕錶送給爸爸，笑言價錢最少五位數字。