林德信夠「殭」認靚仔

林德信（Alex）、前無綫新聞主播方健儀及湛琪清前晚出席時裝騷，湛琪清更以性感露背連身裙現身。林德信指近日忙於錄製新歌及為新片《死開啲啦》宣傳，他說：「第一次擔正男主角，都有滿足感，飾演吸血殭屍，細個好鍾意睇殭屍片，鬼佬靚仔嗰啲。」問到女友松岡李那有否讚造型帥？他說：「冇，自己都有post出嚟，大家都好鍾意，覺得靚仔。」談到中秋節會否與女友度過，他表示與家人食飯慶祝。