13次逃過死神
靚佬湯多年來密密接動作大片亦出過不少意外，有美國傳媒更總結出膽生毛的他連同前日意外，已13次逃出鬼門關！當中包括近期作品《職業特工隊：叛逆帝國》，8次親身爬上飛行中的飛機，靚佬湯自爆有次降落時身體撞到機身發出「嘭」一聲，相當牙煙！
早年他與占美霍士（Jamie Foxx）拍《同行殺機》（Collateral）時，飾的士司機的占美拍攝時意外失控，撞到迎頭車的靚佬湯飛出片場，剷上天台，占美自言以為險誤殺對方！另外，靚佬湯拍成名作《壯志凌雲》（Top Gun）時，曾險被降落傘扯落水底，幸有蛙人出手相救，可惜同片特技人Art Scholl就因飛機失控不幸「假戲真做」墜機身亡。