黃婉曼自家作煮
人妻黃婉曼（Icy）最愛下廚且廚藝了得，她喜歡隨心隨時在屋企的廚房，就能吃到喜歡的菜式：「尤其係一個人嘅時候，出街食太麻煩，都比唔上坐喺屋企自在，而且自己煮，材料一定新鮮，調味都唔會太重，整體比較健康。」在夏天的食物配搭之道，Icy坦言：「最愛新鮮魚生片加新鮮蔬菜、西柚、柚子汁，酸酸甜甜，既開胃又健康。」
相比中西日韓式美食，Icy直言比較多炮製日式食品，例如冷烏冬、沾麵、清酒煮蜆、豬扒鍋；至於西餐就是沙律、意粉、忌廉青口或煎羊扒：「我比較鍾意日本菜式卡路里低，而西餐就可以配襯我鍾意嘅紅酒，我鍾意紅酒就好似有啲人每日都一定飲咖啡。拎住杯紅酒，會有莫名嘅愉悅，甚至幸福感。但我唔多飲，一杯起兩杯止，尤其係結束繁忙工作後，會覺得紅酒能幫我減壓。」
