陳豪跳繩失威自薦做Rapper
陳豪昨日在校園宣傳無綫劇時被學生粉絲包圍集郵，大受歡迎，不過他跳大繩時卻頻失威kick腳。談到他榮升「語速之王」，他就指自己本身語速已經偏快：「我好鍾意Rap(口架)！」而姚子羚就指自己未知好姊妹胡杏兒幾時嫁人，更謂對方隨時被爬頭：「可能胡定欣先呢！」
藝人陳豪、姚子羚和沈卓盈等昨日在何文田一間中學出席無綫劇《陪著你走》之「同行．同樂」活動。一眾演員更被學生粉絲輪番集郵求簽名，大受歡迎，但陳豪跳大繩時卻頻頻Kick腳，認真失威。談到陳豪在劇中連珠發炮，以25秒內讀200字對白榮升「語速之王」，他笑言自己本身語速都偏快：「都有NG，但唔係kick得好緊要。（撈埋Rapper？）我好鍾意Rap(口架)，真(口架)！（拍片分享？）遲啲就應驗畀你睇。」談到仔仔長大後是否讀國際學校，他坦言國際學校會是首選，但不排除就讀傳統學校。
姚子羚未知杏兒嫁期
而姚子羚就取笑陳豪跳大繩時表現差勁：「佢高大腳長，容易畀條繩Kick親！」談到她好姊妹胡杏兒近況，她就透露對方在Group Chat中致歉：「因為佢真係好忙，又婚紗店又返新公司，所以真係少見面。（佢12月結婚？）佢冇同我講喎，應該唔係嘅！（佢冇否認。）佢都冇公布，未必係，可能胡定欣先呢！」
至於沈卓盈就大讚學生粉絲又熱情又乖：「佢哋影相會問准咗你可唔可以先會影。」而在劇中首度講普通話演戲的她就指自己有苦練口音，幸得網友稱讚。
文：影視組