袁嘉敏被踢出《鴨王2》
袁嘉敏年前接拍3級片《鴨王》脫出個抑鬱，電影宣傳期以情緒問題玩失蹤，又與其他女角鬧不和，後來指自己工作以登台為主，幾乎絕迹電影圈！據悉，由於《鴨》片票房不錯，近日王晶已密謀開拍續集，繼續力捧愛徒何浩文（Dominic）上位，不過袁嘉敏卻慘被飛出局，由「後起之秀」唐紫睿（Hazel）、文凱玲（Connie）及鍾采羲（Iris）接棒出演女主角。《鴨王2》則由3級「降grade」到2B級，直教不少宅男失望不已！
《鴨2》鐵定本月底正式開工，今次劇情講述「雞鴨戀」，描寫由Dominic扮演的男妓與一眾妓女包括Connie等的感情瓜葛，戲中所有女角都不用全裸出鏡，Connie會有幾場肉搏戲，以大露背及露股色誘眾生。她昨接受電話訪問承認：「近日開始積極操弗自己，地獄式運動，我覺得自己上圍唔夠大，希望做到效果好啲，例如條腰幼啲、pat pat大啲，有葫蘆身形囉。」
談到昨日whatsapp瘋傳招募特約演員參演，她笑說﹕「我都有收到呀，咪叫啲朋友去試吓囉，其中有兩場戲都要同啲特約演激情戲。（介意？）作為演員控制唔到，但相信公司會考慮周詳，其實特約演員都有演技同操守嘅，不過希望搵個靚仔啲拍我囉。」至於Dominic則因為為王晶另一新戲趕工，故截稿前未能回覆。