謝賢堅嬲曾江：講英文好叻咩？
謝賢與曾江的掌摑事件曾被質疑有炒作成分，謝賢近日接受訪問澄清一切出自「真心」，斷言因自覺遭對方侮辱才「出手」，更表示一直覺得曾江自恃知識分子而看不起其他圈中人：「你會講英文好叻咩……今次（舉動）唔似我平日性格，搞到依家全球中國人都打電話、發短訊畀我！」
因合作旅遊節目《4個小生去旅行》而積怨的謝賢與曾江，一次記者會掌摑事件震憾全城！最近終開腔的謝賢顯然怒氣未消，且直認與曾江不是朋友：「幾十年前就發現呢個人唔好、唔係朋友，為人自大，讀多幾年書就睇唔起電影圈人，最嬲就係呢樣嘢。拍戲就同人鬧交，會講英文好叻咩？我聽過佢好多嘢！」
斷言不會再婚
當重提拍攝節目時曾江「流鼻血」及「痛風發作」影響進度，謝賢愈說愈勞氣：「流鼻血好小事，佢話唔拍要返去，我覺得神經病咩，天氣乾就流鼻血啦！痛風食藥馬上可以唔痛，佢係都要坐輪椅，唔通要我哋三個推佢去唔同地方？不過佢平時就開心到不得了，跳舞仲跳得好過我。」他直言不獲對方尊重，導致「氣上心頭」﹕「我去配音，佢喺度踱步，佢咁樣即係侮辱我，所以咪喺記者會鬧佢！好多人以為我宣傳，我做乜要幫無綫宣傳？我要畀個教訓佢，但搞到依家全球中國人都打電話、發短訊畀我！（唔似你性格。）我從小到大都冇打過交，真係唔似。」
訪問中謝賢又斷言不會再婚，又以「糊里糊塗過一輩子」來形容自己。憶起有次與朋友飯敍，鄰桌有女性與他打招呼，當他返回自己座位時友人即問「看到嗎？」，他才驚覺剛才的女生是其前妻甄珍，令他感到相當內疚。
文：影視組