譚詠麟突擊綵排打氣
身為李克勤另一個好拍檔的譚詠麟（校長）前晚亦特地到紅館先睹為快欣賞祖兒和克勤的綵排，大玩神秘的校長先偷偷殺入克勤的房間，笑言要監察克勤的的習「舞」成果：「睇完綵排我真係戥克勤高興，安樂晒！絕對冇失禮，仲跳得好好添！」
校長又揚言要趁祖兒換衣服的時間潛入房間，怎料機警的祖兒一早就發現校長：「我其實一早已經望到佢，不過佢用一個嚇我嘅步伐同表情一路行過嚟化妝間，咁我都配合番佢，扮好驚訝，哈哈哈！」祖兒講到當晚未正式開騷時，校長笑說要買定爆谷等睇戲：「我係話我一陣等睇好戲，加油呀！」