樂易玲力挽愛將留低
無綫高層樂易玲身兼邵氏電影的工作安排，對於徐子珊約滿無綫後意願拍電影一事，樂易玲昨在電話回覆稱確有此事，並承認外界多間公司想傾無綫藝人往外拍電影，當中包括子珊，不過無綫出身的子珊當然首選考慮簽邵氏電影：「佢係滿約，我同佢傾過，但因子珊修讀個珠寶課程要考試，等佢考完我哋就正式埋牙傾，當然希望子珊留低，佢意願拍電影，我哋都會幫佢安排，如有啱都會兼拍劇！」
繼胡杏兒後徐子珊轉拍電影，無綫在花旦接棒方面，樂易玲稱有不少小花已陸續上位：「我哋（無綫）唔止花旦外邊好多電影公司想搵，連小花好似陳凱琳、蔡思貝都有傾，只係度唔到檔期，其實周圍都好缺乏新面孔，所以佢哋喺電視台都有好多機會，有潛質一定上到（位）！」