吳業坤處男開騷苦練舞功
歌手張紋嘉（Crystal）、張惠雅（Regen）、吳業坤與羅孝勇昨日齊齊為下月頭舉行的《2打6七七八八演唱會》舉行記者會，身為師姐的Crystal和Regen勁撐最遲加盟公司的吳業坤：「今次都係一個好重要嘅音樂會，吳業坤等咗5年先有公司簽佢，成績又幾好，今次開騷係佢好多嘅第一次，想做好啲令成件事更完美。」而被公司睇好做「潛力股」的吳業坤直言今次為了不負眾望，會用最大努力「接實夢想」！
羅孝勇熱爆
講到新歌《風林火山》將會跳舞，本不擅長舞藝的吳業坤自爆苦練足一星期：「臨瞓之前都會不斷諗番啲舞步，由依家到表演嗰日都會Keep住練習，隻舞喺MV都會跳，MV會睇一世，希望會畀到大家新感覺。」
講到四人為新歌拍攝MV，吳業坤笑言：「原來我可以咁有型，好似G-Dragon一樣，我係KG。」
另外，代表火的羅孝勇自爆在「火場」拍攝時熱到全身出汗：「有個pose我要抱起Crystal擺喺膊頭，擺完之後Crystal條褲濕晒！」
師姐要守齋
另外，剛過27歲生日的Regen揚言要由現在起「守齋」到30歲：「30歲後才是女人魅力爆發嘅時間！」而已經3字頭的Crystal被問到是否已開始爆發？她笑謂很多女性朋友都覺得30歲後是人生另一個開始。
文：音樂組