丘竣霆「三得」童星發圍

近年掀起一股復古熱！童星出身的丘竣霆（前名丘梓宏）曾出演過不少膾炙人口的劇集，例如《溏心風暴之家好月圓》、《一屋兩家三姓人》等，又為「N咁多」個教育電視演出，可謂陪伴不少八、九十後成長！擁一副深邃的五官及一對小酒窩的丘竣霆，從小就被看中成為小童星。他笑談童星經歷：「嗰陣所賺嘅錢都全部畀晒屋企人，佢哋會幫我安排好一切，我都唔係好清楚自己做緊咩，拍戲就好似出去玩咁，識到啲朋友！」昔日的小孩子長大了，在17歲時飛往澳洲讀書，還練得一口流利英語，不時被人誤會是外國人。