何廣沛向女神示愛敗走

去年在劇集《女人俱樂部》做「少年版吳啟華」的何廣沛（Matthew），近日在劇集《樓奴》算是擔正較重戲份，在劇中飾演麥長青兒子，Matthew坦言《樓》是第二部電視劇，更獲得麥長青提點，令他獲益良多。

感激麥長青提點

Matthew說：「佢（麥長青）覺得有咩唔啱，佢會拎出嚟講，我會欣然接受，因為我係新人，好開心有前輩提點自己。有時大家拍劇，會驚大家有hard feeling會唔講，佢真係會教我，會畀好多意見我，希望做到佢想要嘅嘢。」但對自己要求甚高的他，對今次演出只評為僅僅合格：「唔算太好又唔係太差，我畀自己60分啦！（有咩不足？）覺得自己經驗太少。」

何廣沛自評在《樓奴》中的演出僅僅合格。

在《樓奴》中，何廣沛與岑麗香有不少對手戲。

向對象講我愛你

劇中Matthew大庭廣眾向岑麗香示愛，卻失敗收場，Matthew坦言現實中原來亦有同樣經歷，他說：「中一、二左右，鍾意一個女仔，佢讀完中一就移民去第二度讀書，咁嗰次佢放暑假返嚟，我等成年佢終於返嚟，之後成班中學同學去BBQ，嗰陣燒晒嘢食，差唔多尾聲嗰陣，我同個女仔講我愛你，但我見佢冇反應，就上車走人，但其實當下我都知唔成功啦。（佢冇畀反應你？）冇呀，其實我見唔到佢個樣係點。（之後中學聚會冇人講番件事？）冇喎，可能喺我背後講咗唔知啦！」

文：專案組

攝：黎志輝

髮型：Ray Hui＠TIGI X IL Colpo